Bakının ilk gerbi XIX əsrdə, şəhər artıq Bakı üçün mühüm liman və ticarət mərkəzinə çevrildiyi dövrdə yaranmışdır. 1843-cü ildə I Nikolay tərəfindən təsdiq edilən ilk rəsmi Bakı gerbi şəhərin xüsusiyyətlərini əks etdirirdi. Gerb imperatorun fərmanı ilə təsdiqlənmiş və həmin dövrdə Bakı Rusiya imperiyası tərkibində olan Xəzər vilayətinin bir hissəsi idi.
İlk gerb qalxan formasında idi və iki hissəyə bölünürdü. Yuxarı hissədə Xəzər vilayətinin gerbindən götürülmüş simvollar yerləşirdi: bir tərəfdə pələng, digər tərəfdə isə yerdən püskürən alov təsvir olunmuşdu. Bu təsvirlər bölgənin gücünü, cəsarətini və zəngin təbii sərvətlərini simvolizə edirdi.
Gerbin aşağı hissəsində mavi fon üzərində zəfəran daşıyan dəvə və lövbər təsvir edilmişdi. Dəvə Bakının qədim ticarət yolları üzərində yerləşməsini, zəfəran isə bölgənin məşhur məhsullarından biri olmasını göstərirdi. Lövbər isə Bakının mühüm liman şəhəri kimi rolunu ifadə edirdi.
İlk gerbdən möhürlərdə, şəhər və qəza idarələrinin rəsmi sənədlərində istifadə edilirdi. 1843-cü ildə qəbul edilmiş ilk Bakı gerbi təxminən 40 il qüvvədə qalmışdır. O, 21 may 1843-cü ildə təsdiq edilmiş və 16 mart 1883-cü ildə yeni Bakı gerbi ilə əvəz olunmuşdur.
AzEns.org.az/ Jalə Orucova
